Дубёнкань буесэ Сайнеленть маласо келейстэ ютась «Ош пандось- тиринь ёнксонь ёвкс » раськень коень II-це фестивалесь.

Ош пандонть эрямопингезэ пек малавикс Елизавета Бурнаеванень. Эйкакшокс сон ламоксть ульнесь тесэ. Пандось, конань кепетизь ломантне 4 пингеде теде икеле, те шкас вансты ламо салавачить. Ош пандось кармась улеме фестивалень ютавтома таркакс. Покшчинь пурныцятне бажасть вельмевтемс икелень шкань ломантнень эрямо лувост, ледстямс раськень стувтовтозь койтнень. Шкинемань невтемасо- гигерьстэ важодемат, човалясто артовкст, викшневкст ды ламо мезе лия. Покшчинть эрявиксчиде ды питнечиде тешксты буень прявтось. Ломаты велень эрицятнень пельде- артозь алонь пурнамонь кой, Кочкурвеленть пельде- Троицянь вастома, Кенде велестэ – свадьбадо икеле ававтонь  прякань панемадо невтемань кой! Неть ды лия анокстазь невтевкстнэ пек тусть мельс покшчинь инжетненень! Башка таркасо- Инешкипазонтень  норовонь пурнамодо мейле пшкадемась-озномась. Дубёнкань буень прявтонь сюконямонь валт ды казнеть сех вадря важодицятненень! Учови, фествиалесь карми ютавтневеме эрьва ие, ды Ош пандо археологиянь памятникесь карми улеме 13-це региононок туристэнь сех содавикс объектнэнь ютксто вейкекс!

mordoviatv.ru

Запись опубликована в рубрике Новости. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *