Кавксоце урокось

ТЕЛЕ

ЗИМА

Цели урока: закрепить лексическую тему «Зима», совершенствовать навыки употребления эрзянских слов в предложениях.

КЕЛЕНЬ ЛИВЧАКАВТОМА

ЯЗЫКОВАЯ ЗАРЯДКА

Кодамо ней иень шкась?
Кодамо ковсто тон чачить?
Кодат сонзэ ковонзо?
Кодамо иень шкась ютась? И т.д.

ТЕЛЕ

ЗИМА

ловтештине — снежинка
лекше — иней
эй — лёд
давол — метель, вьюга, буран
сокст — лыжи
нурдынеть —санки
кирякстнемс — кататься
Од ие — Новый год
Роштова — Рождество
Якшаматя — Дед Мороз
Ловняське — Снегурочка
Мастя — масленица
шушмо — сугроб
пандо — гора

ИЕНЬ ШКАТНЕДЕ ЁВКС

Вере-вере менельсэнть Менельазоронть ды Менельаванть ульнесть ниле мазыйне тейтерест: Теле, Тундо, Кизэ ды Сёксь. Вечкевсь неть тейтертненень шумбра, виев ды мазый цёрась — Модась. Цёранть мельскак пек тусть мазыйдеяк мазыйть менелень тейтертне. Эрьвась ульнесь мазый эсензэ ладсо. Конань кочкамс одирьвакс? Весе сынь сюпавт: улипарост сисемень-сисемень покш утомт. И шумбрат, и виевть, и ёроковт тейтертне!

Кода улемс Модантень? Течинь чис арси: конань тейтертнень ютксто кочкамс, кинь марто сюлмамс уцясканзо? Ды терди Модась мельга-мельцек менелень тейтертнень эстензэ инжекс. Колмо ковонь перть эрьвась юткстост тееви пертьпельксэнть лангсо азоравакс: невтни мазычинзэ, сюпавчинзэ, виензэ. Вана ней Теленть шказо. Сонензэ Сёксь патязо максызе шкань полавтниця ёвксонь пациненть. Шкась тензэ максозь колмо ковт: АЦАМГОВ (декабрь), ЯКШАМГОВ (январь), ДАВОЛГОВ (февраль).

Аволдась Телесь ёвксонь пацинесэнть, панжинзе утомонзо, горобиянзо, таргинзе тосто ашо, сэнь, сиянь ды лият тюсонзо, нолдынзе тосто ловонть, варматнень, даволтнэнь, якшамотнень, ёртнинзе ловтештинетнень, лекшень цёкотнень. Моданть сон оршизе ашо оршамосо, вельтизе сиясо. Веденть ланга ацась валаня эй…

ЧЕВТИНЕ ЛОВНЕ

(морыне)

Ашине, мазыйне,
Верде ливтяк
Кавшаня пухкесэ
Моданть вельтяк.

Мороюткось:
Чевтине ловне,
Састыне прак,
Шумбрачинь кандомо
Миненек сак.

Виренть тон оршика,
Ашолды нарядсо.
Паксянть тон вельтика
Сияжды палясо.

Мороюткось: текесь

Ашине цецинекс
Менельстэ прак,
Пухсо ды сиясо
Моданть вельтяк!
(Илья Кривошеев)

Шказо ульнесь (зима). Ушосонть мольсь (снег). Менельстэнть мода лангс састыне прасть мазый (снежинки). Курок модась вельтявсь (белый) ацавкссо. Ульцянть кувалма телесь вачкась ламо (сугробы). Вейке ловтештинесь маризе эсь прянзо сехте (красивая). Сон варштась ялганзо лангс каштансто ды кармась (хвалиться).
– Мон сехте (большая) ды (красивая)!

(Продолжите текст, озаглавьте его)

Запись опубликована в рубрике Учимся говорить по-эрзянски. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *