Эрзянь сёрмадыцянть 110-нь иетненень

c261df624fce7fef953dee41c40be76dА.Полежаевень музейсэ юты «Эпос ды лирика» литературань чокшне Сон алтави А.Д. Куторкинэнь 110 иетненень. Чокшнесь ушодови умарьговонь  25-це чистэ 12.00 чассо.Андрей Дмитриевич Куторкин чачсь 1906-це иестэ умарьговонь  25-це чистэ. Чачома ёнксозо – Чувашиянь Порецкой райононь Студенец велесь. Школань прядомадо мейле 1924-це иестэ  1927-с тонавтнесь  Ульяновской совпартшколасо.
Тосто кучизь Мордовияв. Тесэ тонавтсь эйкакшт ловномо ды сёрмадомо.  1932-це иестэ саезь чалги  журналистень ки лангс. Васенце эскельксензэ  литературасо – те  «Деревенское» очеркезэ,  «Чопудасо» ёвтнемазо,  «Чондат»,  «Варма-крандаз» ды лия ёвтнематне. Шкань ютазь терявтни виензэ покш жанрасо – лиси историко-революционной романозо  «Раужо палмань», «Вейсэ» поэмазо,  «Ламзурь» поэмазо. Седе тов ловныцятне кенярдыть Куторкинэнь  «Покш ки лангсо умарина»  стихсэ романонтень. Сехте покш ды виев произведениязо — «Лажныця Сура», колмо пелькссэ романось.А.Д. Куторкин казезель  «Знак Почета» кавто орденсэ, истя жо зярыя медальсэ.

http://vaigel.ru

Запись опубликована в рубрике Новости. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *