Кеветееце урокось

Урок-игра «Экзамен»

На этом уроке мы закрепим знания по пройденным лексическим темам и поучимся связно рассказывать по-эрзянски на заданную тему.

Оборудование: «билеты» с номерами и названиями тем, 7 карточек с текстами рассказов, «экзаменационный лист», «зачётный лист».

Ход урока-игры:
Выбирается «экзаменатор». Как правило, это человек достаточно знающий эрзянский язык. Это может быть кто-то из родных или знакомых. Другие участники игры — «студенты». На столе «экзаменатора» разложены «билеты» с названиями тем:

№1 — «Тиринь велем (ошом)».

№2 — «Ёвтнян эсень эйстэ»

№3 — «Монь кудонь раськем»

№4 — «Монь ялгам»

№5 — «Мельстуиця книгам»

№6 — «Монь вечкевикс ракшам»

№7 — «Монь авам»

Здесь же на столе разложены карточки с текстами вышеназванных тем.
«Студент» подходит к «экзаменатору».
Вот примерный диалог:
– Шумбрачи, Мария Ивановна! Мон сынь экзаменс.
– Шумбрат, Тамара, кочкак эстеть билет. Кодамо билетэнть номерэзэ?
– Монень понгсь ветеце билетэсь: «Монь вечкевикс ракшам».
– Муик ветеце карточканть ды анокстак ёвтнеме.
«Студент» берёт текст темы и садится готовиться. Он переделывает текст «на себя» и заучивает его.
Когда «студент» подготовится, он идёт отвечать. «Экзаменатор» оценивает ответ, ставит в «экзаменационный лист» и «зачётку» оценку «вете», «ниле», «колмо» и расписывается.
Обычно к экзамену готовятся заранее.
Однако можно вначале провести репетицию «экзамена», на которой ответы просто правильно зачитываются с листа. Позднее проводится настоящий «экзамен».

Примерные тексты разговорных тем:

«Тиринь велем»

Мон эрян Мордовия Республикань Покш Игнат велесэ Щорс лемсэ куринкасо. Велем покш ды пек мазый. Сонзэ перька касы вирь, сравтовсть келей паксят. Велесэнек ламо од кудот, касыть чувтот. Иень эрьва шкасто велем пек мазый. Тунда ды кизна сон теке вельтяви пиже пацясо, сёксня ваи сырнес, а тельня — ашо лов потс.

Мон пек вечкса тиринь велем. Тесэ эрить монь малавиксэнь ды ялган.

«Ёвтнян эсень эйстэ»

Мон Паксяева Ирина Андреевна. Чачинь 1993-це иень ожоковонь кеменце чистэ. Тонавтнян нилеце классо. Монень вейксэ иеть.
Вечкан книгань ловномо, морамо, викшнеме, налксеме ды чийнеме. Вечкевикс цецям — пейделька, тюсом — сэнь, морыцям — Бакич Видяй, группам — «Торама». Вечкевикс поэтэнь — Сергей Есенин ды Иван Калинкин, прозаикем — Кузьма Абрамов ды Михаил Пришвин.

Ютко шкасто тонавтнян «макрамэнь» кодамо, пурнан ковгерькскеть.

«Монь кудонь раськем»

Минь эрятано сисемненек: покштям, сырькаем, тетям, авам, Толя лелям, мон ды Таня сазорнэм.

Покштям Иван Петрович ды сырькаем Полина Михайловна — пенсионерт. Тетям, Павел Иванович Паксяев, важоди шоферэкс велень администрациясо. Авам, Лариса Ильинична, — медсазорокс пичксема кудосо. Толя лелям омбоце ие служи армиясо. Таня сазорнэм тонавтни васенце классо.

Эрятано вейке-вейкенек вечкезь.

«Монь ялгам»

Монь ялгам Виряскина Марина. Сон тонавтни монь марто нилеце классо. Марина — мельстуиця, чевте седей ды превей тейтерька. Сон парсте тонавтни, мазыйстэ моры ды арты, вечки кодамо «макрамэсэ», вадрясто чийни сокссо. Ялгам сеедьстэ монень лезды, зярдо монень эрси стака. Монгак тензэ лездакшнан.

Минь свал вейсэ налксетяно, эрьва мезде кортнетяно.

Пек вадря эрямс, зярдо ули паро ялгат.

«Мельстуиця книгам»

Мон пек вечкан книгань ловномо. Аволь умок саия библиотекасто Кузьма Абрамовонь «Пургаз» романонть.

Книгась пек тусь мелезэнь. Сонзэ эйсэ ёвтневи, кода эрясть эрзятне кезэрень шкатнестэ Пургаз инязоронть прявт ало. Мон карминь ламо содамо седикелень эрямодонть. Тусь мелезэнь Пургаз инязорось. Сон пек вечксь Эрзянь Масторонть ды тюрсь олячинзэ кис.

Ней мон ялган туртовгак карман ёвтнеме те вадря книгадонть. Кадык сыньгак ловносызь «Пургазонть».

«Монь вечкевикс ракшам»

Монь ули кискам. Сонзэ лемезэ Музгор. Кискам апокшке, пондакш, тюсозо раужо ашо марто. Музгор эрьва чистэ ильти ды васты монь эйсэ школасто. Сон пек вечки монь марто налксеме.

Мон чистэ андан Музгоронь, ванськавтан эйсэнзэ, чийнян ды налксян мартонзо.

Эри кискась вишка кудынесэнзэ — конурасо. Вансты кудонок, киньгак а нолды. Асодавикс ломанень самсто ушоды музгордезь урномо, секс лементькак путынь тензэ Музгор.

«Монь авам»

Монь авам — Паксяева Лариса Ильинична. Сон важоди санэпидемстанциясо лаборанткакс. Монь койсэ (по-моему), авам сехте мазый. Сон пек парсте пиди-пани. Авань пидевть ярсамопельтне тантейдеяк тантейть. Авам моньгак тонавты улеме вадря азоравакс: кудонь ваньксстэ урядамо, тантей ярсамонь пидеме, лезэвстэ ярмаконь ютавтомо. Ютко шкасто авам викшни мазый суресэ. А кода мазыйстэ авам моры! Чоп кунсоловлинь сонзэ моронзо.

Мон пек вечкеа тиринь авань. Лездан тензэ эрьва тевсэ, тейнян казнеть. Эряк, вечкевикс авай, кувать-кувать!

Запись опубликована в рубрике Учимся говорить по-эрзянски. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *