Кемкавтовоце урокось

ФОЛЬКЛОРОНЬ ЧАС

Час фольклора

 

ВАЛМЕРЕВКСТ ДЫ СОДАМОЁВКСТ

Пословицы и загадки

 

Этот урок будет посвящён малым формам эрзянского фольклора –пословицам и загадкам. Предлагается занятие – соревнование между двумя командами: «ОЙМЕ» («душа») и «ПРЕВ» («ум»).

ВАЛ ВАЛМЕРЕВКСТНЭДЕ ДЫ СОДАМОЁВКСТНЭДЕ

Слово о пословицах и загадках

Каждой команде предлагалось домашнее задание: подготовить доклад о малых жанрах фольклора – пословицах и загадках

ВАЛМЕРЕВКСТ

(ёвтни «Прев» командань прявтось)

 

Эрзянь фольклорсо покш тарка максозь нурька жанратненень. Вейкесь юткстост – валмеревкстнэ, конат чачсть ды кассть раськень кудоютконь тевтнень марто вейсэ. А стяко эрзятне ловить: «Валмеревксэсь нармунень нерьшка, домкачизэ покш эрькешка». Валмеревкстнэ теить кортамонть мазыйкс, невтить сонзэ эрьва кодамо тюсонь вельде. Сынь тонавтыцят, пшти ёвтавкст, конат нурькасто ёвтыть превей арсемат ды эрямонь лангс ломантнень вановтост. Валмеревкстнэ – раськень превей жемчужинат. Таштавсть сынь ламо пингеь перть, ломантне совавтсть эйзэст весе содамочист ды эрямонть лангс вановтост. Валмеревкстнэ чачить минек эрямосо нейгак. Вана кода эрзятне кортыть валмеревкстнэде:
Валмеревксэсь – превень видьме.
Паро валмеревкс марят – седе превей улят.
Кортамось валмеревкстэме, кода салтомо ям.
Валмеревксэсь – пек пшти вал, сельмес пезны теке нал.

СОДАМОЁВКСТ

(ёвтни «Ойме» командань прявтось)

 

Эрзянь содамоёвксось – сехте вастневиця ды вечкевикс устно-поэтической творчествань жанра. Сон чачсь пек умонь шкасто. Сестэ сынь ульнесть магической коекс: сынст ёвтнесть вирень ды паксянь тевтнень ютавтомсто, свадьбасо.

Ней содамоёвксонь те функциясь ёматотсь. Кадовсь ансяк оймсемань ды налксемань ёнксось: ёвтнить сынст эйкакштнэ ды эйкакштнэнь туртов.Содамоёвкстнэ невтить пертьпельксэнть од, а содавикс ёндо, невтить сонзэ мазычинзэ. Содамоёвксось нурькине.

Теньсэ сон явови устно-поэтической лия жанратнень эйстэ. Сюжетэзэ сонзэ арась:

***
А онги, а суски,
Но кудос а нолды. (Панжомат)

Эрзянь содамоёвкстнэ эрсить колмо видэнь. Сынст ютксо содавикстнэ – метафорат:

***
И лимборды, и люри,
И ливтямо туевель,
Таркастонзо а сыргави. (Пой)

Омбоце видэсь: содамоёвкст – кевкстемат. Эйстэдест аволь ламо.

***
Мезесь светсэнть сехте бойка? (Арсемась)

Колмоце видэсь: содамоёвкст – задачат, конат эрзянь фольклорсо вастневить пек чуросто.

***
Аштесть озадо вейке авань вете тейтерть ды эрьва тейтеренть тиринь ялаксозо. Зяро ульнесть аванть тейтерензэ ды цёранзо?
(Вете тейтерензэ ды вейке цёрынезэ)

РАЗМИНКА
ВАЛМЕРЕВКСТ ТИРИНЬ МАСТОРДО, АВАДО, КЕЛЬДЕ

Эрьва командасто лисить нилень-нилень эйкакшт ды ёвтнить валмеревкст.

«Прев» командась:

Чачома таркадот мазый а муят.
Кува ломанесь а яки, кудов велявты.
Ломань масторсо кизнаяк кельмат.
Тетянь-авань селейде лембе мезеяк арась.
Тиринь келенть танстезэ – теке тиринь аванть ловсозо.
Эри келесь а кулы раськеськак.
Кие аламо корты, се ламо теи.
Мазыйстэ корты, — кунсоломс а мезе.
Келесь ков эряви пачтятанзат.
А визькс чатьмонемс, бути а мезе ёвтамс.
Паро, валдо кельть а коськенить.
Паро кортамонть мельспаро кунсоломскак.

«Ойме» командась:

Тиринь масторось – теке тиринь ава.
Чачома таркасот нармунтнеяк роднойть.
Тиринь велев кись келей.
Арась ава – кудось чаво.
А онкстави сень питнезэ, кона вечксы чачома келензэ
Тиринь келесь седей эжди, вансты зыяндо ды кежде.
Келесь ловажавтомо, секс а сизияк.
Морамс вадря вейсэ, кортамс башка-башка.
Васня арсик, мейле ёвтык.
Чатьмонемась – сырне.
Чаво валсо пекеть а пештнить.

ПРЯВТОНЬ ПЕЛЬКСТАМО

«Содамоёвкст – содамоёвксонь каршо»

Салмуксов кире вирьга кевери. (Сеель)

Велев вечки якамо ды саразонь саламо. (Ривезь)

Паксяванть сон уи сюронть эйсэ нуи. (Комбайна)

Налкшкесь чары, ювсо вели, тапавомадо а пели. (Юла)

Сон пей марто, но а суски, ледезь тикше пурны, уски. (Габря)

Велькссэнь вишка латыне вансты пиземе шкане. (Зонтик)

Ёвтынк содамоёвксонть меельце валонть – муевксэнть

Кизна жойсэ чудесь лей,
Ней вельтизе эчке … (эй)

Вень менельсэнть ожо пов.
Ломанть мерить тензэ … (ков)

Лейть ды эркть пирсекшни кие?
Те ведь ракшась – виев … (мия)

Кизэнь пеленть ёндо
Кивчкадсь кежей … (ёндол)

Кирякстнеме адя тов.
Косо цитни сиякс … (лов)

Салмуксов кирине,
Сювозь, чова пирине.
Кидеяк а пели, — вирьга яки … (сеель)

ВАЛМЕРЕВКСТ ДЫ СОДАМОЁВКСТ

***
Тунда а видят –
сёксня эсь прят сюдат.

***
Тельня эрян, тунда ёман,
Кизна кулан, сёксня мекев вельман. (лов)

***
Мазый ломанесь одсто,
Мазый сырестэяк.

***
Валске яки 4 пильге лангсо,
Обедстэ – 2 пильге лангсо,
Чокшне – 3 пильге лангсо.
(ломанесь: вишкасто, покшсто, сырестэ)

***
Тев а теят – паро а неят.

***
Пирявксонь пачк реве тикше порни. ( штердемась )

***
Кизэсь вечки сюронь кастомо, телесь – ванстомо.

***
Тельня уды, тунда увны. ( лов)

***
Сыре чувтось синдеви, одось – мендяви.

***
Чоподасо эри – чатьмони,
Валдос лиси – пижни. (Эйкакшонь чачомась)

***
Кие машты трудямо, се машты эрямо

***
Рядсек – рядсек мадстясызь,
Мельцек – мельцек стукасызь,
Прясто превест чукасызь. (Пивсэмась)

ВАЛМЕРЕВКСТ

Продолжите пословицы:
1. Тол палы
2. Косо ёндол
3. Кува юты
4. Келесь вечки тантей
5. Паро тевенть теемка
6. Чинек-венек яжи.

валдо валы; сия луты; берянесь – сонсь лиси; тосо пурьгине; сельмесь вечки мазый; а почт арасть.

ПЕЛЬКСТАМО «ЮТАВТЫЦЯ»

Соревнование «Переводчик»

Маштыть эйдень чачтамо, машт эйкакшонь кастомо.
Сумел детей родить, сумей их вырастить.

Кундыть тевс – совить превс.
За дело взялся – ума набрался.

Паро азортомо кудоськак прявтомо.
Без хорошего хозяина дом сирота.

Ветенест братиники лембе кудосо эрить.
Пятеро братьев в тёплой избушке живут. (Пальцы в рукавице)

Пеензэ ламо, кургозо арась.
Зубов много, рта нет. (Пила)

Кавто кольцят, кавто петь, куншкасост эске.
Два кольца, два конца, посредине гвоздик. (Ножницы)

СОДАМОЁВКСТ

1. Сонсь а неяви – морозо маряви. ( сеськесь)
2. Чить сон вейке сельмсэ ваны, тёжа сельмсэ – вень куншкане. (менелесь)
3. Сонсь свал коцт коды, оршамкат а сты. (шанжавось)
4. Яксяргось чопавтсь ведьс, пулозо поводсь сэдьс. (инепенчесь )
5. Кие кантни свал мартонзо сядонь сядот салмуксонзо? ( сеелесь)
6. Кавтотне ношкстасть ардомо, кавтотне мельгаст сасамо. ( чаротне)
7. Весенень, кие туи, кие сы, кедь максы. (кенкшесь)
8. Ашти атясь, карксазь кото каркссо. (паресь)
9. Кие корты чатьмонезь? (книгась)
10. Вирь чиресэ од тейтерь эрьва тунда аварди. (килеесь)
11. Лато ало атине тарги. (качамось трубасто)
12. Паксянзо суликань, межанзо чувтонь. (вальмась)
13. Кизнаяк, тельняяк веенст оршамонзо. (кузось)
14. Чинек-венек якить, таркасост аштить. (частнэ)
15. Тельня оймси лато ало, кизна тикше правты яла. ( пелюмась)
16. Улить чувтонь кавто ялган, молян эйсэст ловонть ланга. ( сокстнэ)
17. Мезесь апак виде касы? (тикшесь)
18. Кизна яки, тельня уды. (овтось)

ПЕЛЬКСТАМО «НАБОРЩИК»

Соревнование «Наборщик»

 

Эрьва командасто тердеви ломань, тензэ максовить кавто тюсонь валт. Эряви пурнамс эйстэст вейке содамоёвкс ды вейке валмеревкс

 

«ПРЕВ» команданть туртов:

В. Тундонь, цела, чись, анды, ие.
С. Экшелямо, кавонест,свал, братиники, якить. (ведратне)

«ОЙМЕ» команданть туртов:

В. Вейке, цела, максы, зёрнынесь, коморо.
С. Сонсь, кузни, пильгевтеме – кедтеме, стенава. (чапаксось)

ВЕЙСЭНЬ ЗАДАНИЯТ:

Поладынк валмеревкстнэнь:

Продолжите пословицы

1. Паро теят — паро…(неят).
2. Кие машты трудямо, се машты и … (эрямо).
3. Тев а теят — паро … ( а неят).
4. Кельсэ — сех икеле, тевсэ — … ( сех удало)
5. Тевс нузякс кучат, куватьс эйсэнзэ … (учат).
6. Тевсэ сон а тей, а тов, валсонзо жо — … ( эрьва ков ).
7. Кие ламо ловны, се ламо … ( соды).
8. Мезе превсэть, секе … ( тевсэть).
9. Иля пеле онгицядо, пельть салава … ( сускицядо).
10. Паро тевень кис шныть, берянень кис … ( сялдыть).

Поладынк содамоёвксонть:

Продолжите загадки

1. Ашо, якстерине ланго, чувто ало касы … ( панго)
2. Теке туво куяв, касы пиже … ( куяр).
3. Чипаень суресэ нурси ламо тюсонь мазый … ( курся).
4. Молян – моли, лоткан – лотки. Чись течи маней. Мезе те?…(сулей).
5. Кизна тия чудесь лей, ней вельтизе эчке … (эй).
6. Кизэнь пеленть ёндо кивчкадсь кежей … (ёндол).

Запись опубликована в рубрике Учимся говорить по-эрзянски. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *