Комсеце урокось

ВАЛОНТЬ ПЕЛЬКСЭНЗЭ

СОСТАВ СЛОВА

 

На этом уроке мы узнаем, из каких частей состоят эрзянские слова, познакомимся с эрзянскими падежами, узнаем сказку о том, как с помощью суффиксов образовались первые слова; при помощи домино поупражняемся в строительстве слов.


1. Ютазенть ледстямось

(Повторение пройденного)

Задаются друг другу вопросы по теме «Фонетика».


2. Валонть пельксэнзэ

(Состав слова)

В эрзянском языке родственные, однокоренные слова называются вейке пизэнь валт, вейке юронь валт. Пизэ — гнездо, т.е. одногнездовые, юр — корень, пе — окончание, конец. Новые слова образуются с помощью суффиксов. Приставок в эрзянском языке нет. Окончания слов — падежные окончания. В эрзянском языке 12 падежей:
Лемъёвтамонь (именительный) кие? (кто?) мезе? (что?) кудо
Чачомань (родительный) кинь? (кого?) мезень? (чего?) кудонь
Максомань (дательный) кинень? (кому?) мезнень? (чему?) кудонень
Кортнемань (отложительный) киде? (о ком?) мезде? (о чем?) кудодо
Чанстямонь (местный) кисэ? ( кем?) мейсэ? ( чем?) кудосо
Лисемань-ушодомань (исходный) кистэ? (от кого?) мезестэ? (от чего?) кудосто
Совамонь (направительный) ков? (куда?) мезев? (во что?) кудов
Путомань (вносительный) кис? (в кого?) мезес? (во что?) кудос
Молемань-ютамонь (переместительный) кива? (по кому?) мезева? (по чему?) кудова
Велявтомань (превратительный) кикс? (в кого?) мезекс? (в чего?) кудокс
Вейкетстямонь (сравнительный) кишка? мезешка? (величиной с кого? с чего?) кудошка
Аразьчинь (изъятельный) кивтеме? (без кого?) мезевтеме? (без чего?) кудовтомо

ВЕЙКЕ ЮРОНЬ ВАЛТ
(ЛОВОМКА)
Истя жо, кода кудонть,
Юрозо ули валонть:
Атя, атяка, атякшке,
Ава, авака, авакшке,
Сур, суре, суркске, сурине,
Пире, пирявкске, пирине,
Ловны, ловнома, ловныця,

Ёвтни, ёвтнема, ёвтниця,
Озны, ознома, озныця,
Моры, морыця, морось, —
Муить валтнэнь валъюрост.

Вейке пизэнь мерить тенст,
Вейке юронь валт лемест.

Переведите считалку. В перечисленных группах слов найдите и обозначьте ВАЛЪЮР — корень слов.

Ёвкс «BE ПИЗЭНЬ ВАЛТНЭДЕ, ВАЛЪЮРДО
ДЫ СУФФИКСТНЭДЕ»

Те ульнесь пек умок. Эрзянь Келень Масторсо Пазось тейсь валт. Ды аштесть неть валтнэ, прок покш паксясо идем кевть: башка-башка, эрьвась ськамочисэ.

Сынст эйстэ васоло, лейга-латкова, эрясть суффикст. Суффикстнэде ульнесть ламо ды эрьва кодат. Сынь а содылизь эсест питнест, а чарькодильть, мезекс маштовить.

Суффикстнэ зярыяксть якасть валтнэнь содавтомо, бажасть ялгакс улеме, вейсэнь тев тееме. Каштан валтнэ эзть ваннояк суффикстнэнь лангс.

— Тынь аволь валт, мезекс эцетядо минек малас? Ялатеке мезеяк эйстэнк а лиси! — ацирьгалесть сынь.

Истя тевесь аштевель пек кувать, а лисевельгак Келень Масторсо вана мезе. СУР валонтень пек вечкевсь ПИЛЕ валось. Ды ансяк каштанчись тензэ мешиль ёвтамс вечкемадонзо.

ПИЛЕ валоськак виздиль ёвтнемс эсь вечкемадонть СУР валонтень. Истя каштангалезь ды виздезь сынь эрясть малав пинге. Ды уш эзть кемеяк зярдояк вастовомс.

Ды вана весть Пазонь Покшчистэ, зярдо валтнэнь эйстэ тейневильть алкуксонь курмот-кармот (предметт), чийсть сынст вакска КС ды Т суффикстнэ. Арасть сынь СУР валонть ваксе, ды вана уш СУР валонть маласо аштесть мазыйдеяк мазый СУРКСТ. Ютасть сынь ПИЛЕ валонть вакска, ды косто-а косто теевсть ПИЛЕКСТ.

Вана юты сынст вакска мазый ТЕЙТЕРЬ. Понгавтынзе сон ПИЛЕКСТНЭНЬ пилезэнзэ, СУРКСТНЭНЬ тонгинзе сурозонзо, мельспародонть мик моразевсь, пильгензэяк тусть киштеме.

Мизолгадсь СУР валось, кецязевсь ПИЛЕ валось. Окойники сынь вастовсть.

Лангозост ванозь, лия валтнэяк эзть карма покшкавтнеме, кармасть тердтнеме эсест малас суффикст ды тейнеме эрьва кодат од валт. Вай, зяро од валт теевсть!

Каштансто марясть пряст валтнэ, конатнень эйстэ теевсть седе ламо од валт. Сынь эсь пряст лемдизь валонь ушодыця пельксэкс — ВАЛЪЮРОКС.

Сельме, сельмукшт, сельмедемс, сельмине; Карь, карьке, карсемс, карне, карькске;

Ёвкс, ёвтнемс, ёвтнема, ёвтниця, ёвтамо.

СУФФИКСТНЭ ней парсте содасызь эсест таркаст, сынь свал аштить ВАЛЪЮР мельга.

Выбери родственные слова, выдели в них корень, суффиксы, окончание:

Покш, керне, кедь, покштянь, умарь, керь, пейди, пейделька, кедьге, покшке, кедне, рудаз, умаринадо, кедькс, рудазов, умарькске, керьксамс, рудазыясь, пейдема, пейдемс.

Илязт налкста ды сизе пакшатне, уроксо а берянь ули лиясто ютавтнемс вана истят налксемат:

ЧУДИКЕРЬКСКЕ
(налксема)

Эйкакштнэ кундсить кавтонь-кавтонь кедте кедьс ды теить «чудикерькс», сон «чуди» эйкакштнэ морыть

Чуди чудикерькске: чоль-чоль, чоль-чоль-чоль.
Чии чудикерькске: жоль-жоль, жоль-жоль-жоль.
Ков сон истя чуди,ков сон истя капши?
Кие чудикерьксэнть лоткавтсы-пирясы?
Чуди сон покш леев: чоль-чоль, чоль-чоль-чоль.
Капши иневедев: жоль-жоль, жоль-жоль-жоль.
Пиризь чудикерьксэнть кавто эрзянь тейтерть.

Тейтертне нолдасызь кедест, «пирясызь» веденть.

А чуди ней ведесь лоткась чудикерьксэсь.
Вай, мезе ней теемс, кода нолдамс веденть?
Кода ней кармавтомс чудемс чудикерьксэнть?
Ведявантень тенек эряви сюконямс,
Ведявантень тенек эряви энялдомс:
Ведява-сияка, сюконятанк тонеть,
Ведень азорава, одов нолдык веденть.
Кадык таго чуди сиянь чудикерьксэть
Кадык шольни-налкси кольневтиця ведеть.

ВЕДЯВАСЬ: Нолдаса чудикерьксэнть, бути содасынк монь содамоёвксон!

Вана васенцесь: Митя тей, Митя тов, Митя совась аксялов. Мезе те? (Тенсть)

Содынка омбоценть: Кавто пекензэ, ниле пилензэ. Мезе те истямось? (Тодов).

Эйкакшт, витинк мелензэ монь Вирява сазоронть: морадо моро вирев молемадо. Содатадо истямо эрзянь моро?

ЭЙКАКШТНЭ: «Авкай, молян мон вирев!» (Арыть кирьксэс ды морыть моро).

ВЕДЯВАСЬ: Вадрясто морынк! Сюкпря. Ней тееде мельспаро лия сазором туртов — Норовавантень. Морадо тензэ раськень моро паксяв якамодо.

ЭЙКАКШТНЭ: «Адядо, ялгат, розь паксяв!» (Морыть).

ВЕДЯВАСЬ: Пек вечкевсть монень моронк. Эрьга, вейсэ морасынек ашо килейнеде ды эрзянь тейтерде моронть ЭЙКАКШТНЭ: «Пандо прясо од килей!» (Морыть Ведяванть марто вейсэ).

ВЕДЯВАСЬ: Паро, вановсь монь мелем, вечкевсть моронк сазорон туртов. Нолдаса чудикерькскенть (аволды сиянь-сэнь пацинесэ). Кадык таго чуди ведесь!
(Эйкакштнэ таго теить «чудикерькс», сон таго карми «чудеме»).
Чуди чудикерькскесь: чоль-5-ксть
Чии чудикерькскесь: жоль-5-ксть
Ков сон истя чуди: чоль-5-ксть

(Истя налксемась моли седе тов)

ЛОВОМКА

(считалка)
Тантей прякинеть панинек,
Ойсэ —медьсэ сынст ваднинек.
Те — Ариснэнь, те — Ламзурнень,
Те — Валгужнэнь, те — Кечайнень.
Паницясь авам ды мон,
Налксемань ветицясь — тон.

РАКСЕМАТ
Сеель пани пачалксеть,
Ривезь вадни лемсэ (ойсэ),
Сеель пани пачалксеть,
Овто кишти кемсэ,
Верьгиз учи кенкш удало,
А нумолнэсь — орта ало.

ТРАВАМКА
Сергей-бергей лавкасо,
Туво чави палкасо
Сонзэ туво сускизе,
Кустемалов ускизе.
Тосо тувонть кудозо,
Рудаз потсо судозо.

КЕЛЬЯЖАМКАТ
Иля рака, иля рака, рака кундака
Кавто парень парьчиреть.

Запись опубликована в рубрике Учимся говорить по-эрзянски. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *