Комськавксовоце урокось

«ВАЛРИСЬМЕ»

(«Предложение»)

На этом уроке мы познакомимся с главными и второстепенными членами предложения, поиграем в игры с предложениями.

1. ЮТАЗЕНТЬ ЛЕДСТЯМОСЬ

Кортамось молезэ теемавалтнэде ды сынст теевкстнэде.

2. ВАЛРИСЬМЕНЬ ЭРИЦЯТНЕДЕ ЁВКС

Синтаксисэнь Масторсо Валрисьмень ёнкссо эсь важост марто эрясть-аштесть инязор ды инязорава. Инязоронть лемезэль Лемкандый (Подлежащей), инязораванть — Теема (Сказуемой) — Сынтемест Синтаксисэнь Масторсо а теевиль вейкеяк валрисьме, сынь пачтильть валрисьменть зэмензэ, секс мерильть тенст прявтвалт (главной члент). Лемкандый инязоронтень пшкалильть КИЕ? ды МЕЗЕ? кевкстематнесэ. Сон пек вечкиль эрьва кодат лемть. Эрьва валрисьмесэ лемезэ лия.

Теема инязоравась свал ёвтниль: МЕЗЕ ТЕИ, МЕЗЕ ТЕЙСЬ эли МЕЗЕ КАРМИ ТЕЕМЕ инязор мирдезэ.

Невтемга: Ашо, шожда пелесь састо уйсь сэнь менельганть.

Мезесь? — Пелесь. Мезе тейсь? — Уйсь.

Кода уш ёвтазель, инязоронть ды инязораванть ульнесть важост: эрьванть эсензэ. Инязорось вечкиль мазыйстэ оршнеме. Сонзэ важонзо ульнесть невтиця валт (определения), конатне панжильть КОДАМО? ды КОДАТ? кевкстематнень.

Невтемга: Пелесь кодамо? — Ашо, шожда.

Инязораванть важонзо — поладыця валтнэ (дополненият). Сынест путневить падежень кевкстематне.

Невтемга: Уйсь кува? мезева? — менельганть.

Истя жо инязоравань важокс ульнесть лувонь, ёнксонь валтнэ (обстоятельстват). Сынь панжить ёнксвалонь (наречиянь) кевкстематнень:

Уйсь кода? — састо.

Прявтвалтнэ важовалтнэнь (второстепенной члентнэнь марто теить валонь эрьва кодат сюлмавкст: ашо пелесь; шожда пелесь; уйсь састо; уйсь менельганть.

Эряви ёвтамс, прявтвалтнэ (ЛЕМКАНДЫЕСЬ ды ТЕЕМАСЬ) ськамосткак маштыть тееме валрисьме. Истямо валрисьмеденть мерить аволь сравтозь.

Невтемга: Пелесь уйсь. Цёрась моры. Вармась пувазевсь.

Сравтозь валрисьменть (распространённое предложение) теить важовалтнэ.

Невтемга: Сёксень вармась кеждязь пувазевсь тарькс якшамосо.

Вана истя эрить Валрисьмень ёнкссонть.

3. КУДО

(Ёвтнема)

Покш кудось аштесь Валдолей чиресэ. Маласонзо кассть пиже ёлганя килейть. Кудонть перька теезель сэнь тюссо артозь аволь сэрей пирявкс. Кудонть мазылгавтозь вальманзо ваныльть чилисема ёнов. Кизна кудось ваиль чувтонь тарадтнэнь ды лопатнень потс. Пирявкс потсо, вальмало, касыльть эрьва кодамо тюсонь цецят.

Телень ловось копачилинзе кудонть ды пиренть сияждыця ашо вельтявкссо.

Сырнекс певерильть сёксня килейтнень лангсто ожо лопатне. Эрямонь иетне ливтить эряза нармунекс. Покш кудось аламонь-аламонь яла сыреди ды таштоми. Нусманясто ашти сон, теке нувсезь, ды ледстни одчинзэ. Сэтьме вармась, кудонть вакска ливтнезь, а весть марякшнось, кода тонась стакасто кувси.

(Муинк валрисьметнестэ прявтвалтнэнь ды важовалтнэнь, явшинк валонь сюлмавкстнэнь).

4. НАЛКСЕМА «КИЕ ПОЛАДСЫ ВАЛРИСЬМЕНТЬ?»

(Игра «КТО ПРОДОЛЖИТ ПРЕДЛОЖЕНИЕ?»)

Для игры необходимо приготовить карточки — полоски двух цветов (можно также сызнанки их обозначить цифрами 1, 2).

Играют несколько человек. Карточки перемешиваются. Каждый из играющих берёт по 2—3 карточки разного цвета. Ведущий ставит карточку под номером 1 и громко читает её текст.

Играющие смотрят на свои карточки номер 2, и тот, у кого продолжение предложения, читает начало и продолжение. Играют по очереди. За предложение игрок получает 5 баллов. Выигрывает тот, у кого большее количество набранных баллов.

Материал для карточек — полосок:

№ 1
МОЛИ ПИЗЕМЕВ ДЫ ВАРМАВ
НАРМУНТНЕ ТУСТЬ
ЧУВТОТНЕНЬ ЛОПАСТ
КЕЖЕЙ ВАРМАСЬ СЕЗНИ СЫНСТ
ЧАВО ПАКСЯТНЕ ОЙМСИТЬ
СЕЕДЬСТЭ МОДАНТЬ ЛАНГС
ВИРЕНЬ РАКШАТНЕ

№ 2
КЕЛЬМЕ СЁКСЕСЬ
ЛЕМБЕ МАСТОРОВ
ТЕЕВСТЬ ОЖОКС, ЯКСТЕРЕКС ДЫ ТЮЖАКС
ДЫ ПАНСИ МОДАНТЬ ЛАНГА
НУЕЗЬ СЮРОТНЕДЕ ДЫ ТАРГАЗЬ МОДАМАРТНЕДЕ
ПРАКШНЫ ШЕРЖЕЙ КЕЛЬМЕСЬ
АНОКСТЫТЬ ЯКШАМО ТЕЛЕНТЕНЬ

(Вейке-кавто валрисьметь ванкшнодо валрисьмень члентнэнь коряс).

Запись опубликована в рубрике Учимся говорить по-эрзянски. Добавьте в закладки постоянную ссылку.

Добавить комментарий

Ваш e-mail не будет опубликован. Обязательные поля помечены *